ام الكتكوت لتعليم الخياطة ومشتملاتها
اهلا بكم اخواتى الغاليات فى منتدى ام الكتكوت لتعليم الخياطة و مشتملاتها اتمنى لكم قضاء وقت مفيد مع اجمل التحيات

ام الكتكوت لتعليم الخياطة ومشتملاتها

كيف تدخلين مجال التفصيل من اوسع ابوابه باقل خبرة
 
الرئيسيةالمواضيع الاخيرس .و .جبحـثالتسجيلدخول
اتمنى للجميع الاستفادة و اتمنى ان تقضوا وقتا ممتعا فى المنتدى و نعتذر عن الاعطال الخاصة بالصور وان شاء الله سيحدث تغيير لاحقا امنياتى بالتوفيق للجميع (ادارة المنتدى)
بحـث
 
 

نتائج البحث
 
Rechercher بحث متقدم
المواضيع الأخيرة
» مقاطع فيديو للخياطة و التطريز الالى
الأحد ديسمبر 25, 2016 5:32 pm من طرف djlili

» بنطلون حريمى
الثلاثاء ديسمبر 15, 2015 5:32 pm من طرف omelkatkot

» أعشاش اللحمة بالبطاطس
الثلاثاء يوليو 21, 2015 11:41 pm من طرف djlili

» ملايات هنا السوهاجية بأفضل الاسعار
الثلاثاء مارس 03, 2015 10:04 pm من طرف hanod29

» ملف متكامل عن تشريح جاكت وخياطته
السبت فبراير 14, 2015 11:09 am من طرف ماجى

» محاضرات ام الكتكوت لتعليم الخياطة
الجمعة فبراير 06, 2015 7:29 pm من طرف ميسون2010

» اعادة دورة تفصيل و خياطة الملابس النسائية فى شكل ملف ووورد
الثلاثاء ديسمبر 16, 2014 3:49 pm من طرف simaana

» كتاب تفصيل و خياطه الملابس للنساء
الثلاثاء نوفمبر 25, 2014 3:50 pm من طرف فلة الجمال

» موديلات للبنوتات سهلة للمبتدئات
الثلاثاء نوفمبر 25, 2014 3:41 pm من طرف فلة الجمال

» كتاب فن الخياطة (هام جدا)
الثلاثاء نوفمبر 25, 2014 3:38 pm من طرف فلة الجمال

منتدى

شاطر | 
 

 للقراءة فقط دورة فى قص و خياطة الملابس النسائية

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
omelkatkot
الادارة العامة
avatar

عدد الرسائل : 883
الموقع : موقع ام الكتكوت لتعليم الخياطة و مشتملاتها
العمل/الترفيه : معلمة للاقتصاد المنزلى
تاريخ التسجيل : 19/08/2008

مُساهمةموضوع: للقراءة فقط دورة فى قص و خياطة الملابس النسائية   الجمعة مايو 08, 2009 10:42 am



ارحب بالدارسات الجدد ونبدا الدرس الجديد



قميص نوم بحمالات

و بدات هذا القميص

بحمالات و بخطوط مستقيمة

و ذلك ليكون سهل على كل الدارسات و المبتدءات و ايضا يكون به بعض دروس التشطيب اللى ممكن تفيد فى الدروس القادمة

وده القماش

هنختار قماش من الينوه ليكون سهل فى الخياطة لانه غير مطاط

عرض القماش اللى نريده عرض عرضين 140 او 150 او ممكن عرض واحد 90سم
هناخد دوران الصدر و دوران اكبر حجم و ناخذ المقاس الاكبر منه و ذلك لان بعض النساء يكون دوران اكبر حجم اكبر من دوران الصدر و منهم يكون العكس

و لان القميص بسيط و استريت

هناخذ الدوران الاكبر و نضيف عليه 20سم


و تختلف باختلا نوعية القماش فالقماش المطاط لا يحتاج الى توسيعات كبيرة
و هذا يكون عرض القماش

اما الطول هيكون طول القميص

ممكن موديل القميص يكون باطوال مختلفة اى الطول حسب اختيارك انت

و القميص اللى هنعمله النهاردة

قميص طويل و بفتحة من الجنب و اخترنا الفتحة لان القميص الطويل يفضل عمل فتحة فيه ليسهل عليك حرية المشى






هنطبق القماش على اربع طبقات



ناخذ مسافة 10سم بدوران لعمل حردة الابط ربع دايرة كما بالشكل









وده شكل الحردة بعد القص





نبدا نجهز البييه ممكن شرائه جاهز

وممكن عمله من نفس القماش هيستهلك معك قماش

حسب الرغبة


هنحتاج قماش متساوى مربع او مستطيل



نتنى خط الطول على العرض



ثم نقص مثلث



ثم نقيس خطوط متوازيو 4سم عرض البييه








ونقص عليها



نرش البييه بالمكواه ثم نكوى مع الشد طوليا لراحة النسيج و ينتج عنه بييه مضبةط



واليكم وصل البييه اذا كان القماش لايكفى



نخيط و نكوى و نفتح الخياطات



ونقص الزيادات من الجنبين



ده شكله النهائى



نبدا فى تركيب الاستيك بالخلف

نتنى تنية داخل تنية عرضها 1سم لتدكيك الاستيك و الداخلية نصف سم فقط و ندكك بها الاستيك





بندكك ببنسة اللى بنركبها فى شعرنا

بنركب طرف الاستيك فيها



نثبت طرف الاستيك بعد التدكيك بغرزة يدوية حتى لا يفلت منك اثناء الشد



وده شكله



نبدا فى سرفلة خط الامام العلوى

لتركيب شريط الدانتيل



وعلى بعد 1سم نعمل خط ماكينة بغرزة واسعة نزود طول الغرزة على رقم 4 فى الماكينات الحديثة

وفى القديمة نرفع الرافعة حتى تصل الى اوسع غرزة

او ممكن بغرزة يدوية سراجة ضيقة و نسحب الخيط للكشكشة المطلوبة

اما بالماكينة فسحب الخيط يكون من ناحية واحدة و يكون من الخيط السفلى و ليس العلوى يكون ايسر





وده شكل الامام و الخلف بعد شد الاستيك و عمل الكشكشة نراعى انهم يكونا متساويين



نبدا نركب الدانتيل









نقفل الجنب الايسر اللى فيه الفتحة و نترك مسافة 25سم لفتحة الجنب



ونثبت على نهاية الخياطة و بداية الفتحة بالرجوع بالغرز عن طريق هذه الاداء



بالضغط عليها اثناء الشغل

مسافة عشر غرزات لا اكثر للتثبيت حتى لا تتمزق الفتحة لاعلى اثناء المشى



نكوى على الخياطات و نفتحها من الداخل


نخيط على طرف الفتحة خياطة خارجية لتثبيتها

وتجميلها





نبدا بخياطة الجنب الايمن

و الخياطة تكون للخلف اثناء الكى





ده شكل القميص بعد تقفيل الجنب





وده شكل الحردة


هنبدا نركب البييه و الحمالة







الحوالة ممكن تكون على نسيج طولى و ليس ورب مثل البييه او ممكن تكملى كلها بييه حسب الرغبة و الحمالة بتقيسى طولها على جسمك ممكن تكون 40سم اقل او اكثر











وده شكل الفتحة

و هنتنى الذيل تنية 1سم فى نصف سم للداخل





وده الشكل النهائى



اتمنى ان يكون الشرح واضح

لكم منى اجمل تحية
الرجوع الى أعلى الصفحة اذهب الى الأسفل
http://omelkatkot.ahlamuntada.com
omelkatkot
الادارة العامة
avatar

عدد الرسائل : 883
الموقع : موقع ام الكتكوت لتعليم الخياطة و مشتملاتها
العمل/الترفيه : معلمة للاقتصاد المنزلى
تاريخ التسجيل : 19/08/2008

مُساهمةموضوع: رد: للقراءة فقط دورة فى قص و خياطة الملابس النسائية   الجمعة مايو 08, 2009 10:43 am





نبدا الدرس الجديد الثالث

و اتمنى ان يكون كل درس جديد اكثر فائدة لكم اخواتى الفضليات

و الشرح افضل من السابق

و اتمنى ان ينال اعجابكم

اولا درسنا اليوم هو ابتكار لقميص نوم ممكن هذه الفكرة تتعمل فستان سواريه او للمناسبات المنزلية

فى تكوينه قميص بسيط جدا

و هذا القميص يعالج السيدات اللواتى يكون اكبر حجم اكبر من دوران الصدر لانه يعطى شكل رائع عند ارتدائه

و هذا الموديل به ابداعات و لمسات يمكنك ان تضعينها فيه و يمكن بدون اى تعب تحصلى على هذا القميص

اول شى نحتاج اللى سنتيان لشخصك مضبوط عليك ممكن يكون سواريه مبطن و القماش تختارينه سواريه مناسب لنوعية السنتيان و لونه سواء نفس اللون او لون مناسب له

و يمكن عمله من سنتيان قطن و اختارى قماش قطن ليناسبه

و ايضا للتجميل ورود اذا لزم الامر



اول شى نختار سنتيان لدينا مضبوط و مناسب للقميص او نشترى واحد مخصوص مناسب
اهم شئ مقاسه يكون مضبوط




نختار قماش مناسب

عرض عرضين

نحتاج من 2متر و ربع الى مترين و نصف
و انا اخترت قماش ستان احمر و السنتيان اسود




و الجيبير احمر

عبارة عن شريط قصقصته استخدمت متر



هنطبق القماش نصفين طبقتين على شكل مربع



ناخذ مقاس طول السنتيان

مع عمل شد بسيط كما ترتدينها اذا كانت من النوع المطاط اما اذا ما كانت دون ذلك اى غير مطاطة نقيسها بالضبط بالمللى



و نقيس طول الحمالة مع شدها خفيفا اذا كانت من النوع المطاط



نبدا بعمل الجزء السفلى للقميص

و هو عبارة عن كلوش نصف دائرة

اول شئ هنطبق القماش طبقتين

و ناخذ نصف طول اللى قسناه بالسنتيان و ناخذه بالنظر على شكل ربع دائرة




نبدا ناخذ اطوال متساوية على ابعاد متقاربة كما بالشكل و نضع علامة بنهاية كل قياس سنحصل على ربع دائرة نحدد عليها ثم نقيسها و يجب ان يكون قياسها يساوى نصف طول السنتيان و اذا كان لا يساوى و اصبح اقل من المقاس المطلوب ننزل لاسفل 1سم و نوسع الدائرة و نقيس الدائرة الجديدة

و اذا كان العكس نرتفع لاعلى 1سم و نقيس الدوران الجديد















نبدا بقياس طول القميص و هو 80سم من بعد الدوران اللى رسمناه

نبدا نقيس اطوال متساوية 110سم و هو ناتج جمع طول القميص + طول ربع الدائرة السابقة
من قمة المربع من اعلىو نضع نقط عند كل قياس

















نبدا نقص الدوران العلوى



نبدا نقص الدوران السفلى



ده شكل القطعة السفلية للقميص بعد قصها

يمكنك سرفلتها فى هذه المرحلة كليا اوفر لوك



نبدا بتدبيس السنتيان فى الدوران العلوى للقطعة بالدبابيس او بسراجتها حتى تضبط معك

ثم نبدا فى تمكينها بهذا الشكل

ملحوظة اذا كنا شدينا خفيفا فى مقاس طول السنتيان

نشد السنتيان خفيفا عند التركيب حتى يضبط عليك عند ارتداء القميص




ثم نمكن خط الخياطة خط نصف الخلف و نترك مسافة 10سم تقريبا من اعلى عند قفل السنتيان من اعلى

و الخط الازرق يوضح مكان التمكين



وده هيكون الشكل بعد التمكين نبدا نكوى



نبدا نعمل الحمالات العرض حسب الرغبة و الطول هو طول حمالة السنتيان اللى قسناه

و نزود قليلا فى الطول لمسافة الخياطة و نضبطها عند عمل اول بروفة للقميص

نخيط الحمالة على قلبة القماش



ثم نقلبها

باى اداء او قلم





يكون شكلها هكذا



نكويها ثم نركبها مكان حمالات السنتيان

بغرزة يدوية

لعمل بروفة



نركب الورود يدويا للتزيين و نعمل بروفة

ده شكل مبدئى للقميص



اذا كانت الحمالات قصيرة او طويلة يمكن ضبطها ثم نعمل تنظيف للذيل اما بالبرم
او سرفلة اوفر لوك بنفس لون القميص او سرفلة و نثنى على بعد 1سم بالماكينة

لا تزيد عن 1سم لان الكلوشلا يضبط معه الثنيات الكبيرة و كمان الملابس المنزلية مثل هذه وملابس النوم لا تحتاج الى زيادات فى الخياطة كبيرة

ده شكل الثنية عملتها برم لانه هو المتوفر معى على ماكينتى





وده شكل الفتحة العلوية للقميص و الهدف منها سهولة ارتداء القميص لاننا هنفتح و نقفل القميص من اعلى بمشبك السنتيان كما هو و عملنا هذه الفتحة للراحة الفتح و القفل

و زينا نهايتها بوردة كحلية

و من الداخل لفق او نمكنها حسب الرغبة



ده الشكل النهائى للقميص



الذيل



من الخلف



من اعلى



اتمنى ان يكون الشرح واضح اخواتى الفضليات و اتمنى ان اكون اوفيت الشرح

وواضح دون اى تقصير
و اى سؤال او اى اقتراح انا تحت امرك

و اتمنى ان ينال اعجابكم

طبعا فى اللبس ممتاز

جربوه ومنتظرة التطبيق

الدرس القادم

ان شاء الله محتاجين سفرة مثل هذه

فى منها اشكال منها المربه و المستدير و المثلث مثل هذه

محتاجين سفرة منها لعمل قميص عليها و الشكل اللى تجديه




و محتاجين قماش خفيف و رقيق مناسب للسفرة للونها و خامتها

و هنحتاج بييه او هنعمله بنفسنا



و هنحتاج ورق جرايد او ورق جلاد او شفاف كبير فرخين

و دبابيس

اخواتى الفضليات

منتظراكم بالاسئلة و التطبيقات

لكم منى اجمل تحية
الرجوع الى أعلى الصفحة اذهب الى الأسفل
http://omelkatkot.ahlamuntada.com
omelkatkot
الادارة العامة
avatar

عدد الرسائل : 883
الموقع : موقع ام الكتكوت لتعليم الخياطة و مشتملاتها
العمل/الترفيه : معلمة للاقتصاد المنزلى
تاريخ التسجيل : 19/08/2008

مُساهمةموضوع: رد: للقراءة فقط دورة فى قص و خياطة الملابس النسائية   الجمعة مايو 08, 2009 10:48 am



نبدا الدرس الجديد و اعتذر لعطل الماوس و تاخرى عن تنزيل هذا الدرس فى ميعاده

و القميص فى هذا اليوم سيكون قميص بيتى بسفرة و تكون هذه السفرة جاهزة

و تحت السفرة كشكشة مع عمل حردة الابط ببييه

و اليكم الادوات



نتنى على خط منتصف السفرة و نعمل نسخ لها على ورق كما بالشكل و هذا يكون نصف السفرة بالضبط



ويكون بهذا الشكل



نمد خط الكتف مع خط نصف الامام لنصنع ذاوية نرسم عليها حردة الرقبة الخلفية و هى عمقها بيكون اقل من حردة الرقبة الامامية و يكون عمق حردة الرقبة الخلفية 2سم و عرضها نفس عرض حردة الرقبة الامامية



نبدا بلصق السفرة على ورق لنصل بالطول الى الطول الكلى

و نعما لها حدود بالقلم ثم ناخذ قياسات بعرض السفرة حتى نهاية الذيل



نمد الخط لنصل الى الطول المطلوب للقميص



نرسم حردة الابط طولها من الكتف 25سم و عمقها 10سم و يتراوح من 7سم للنحيفة و 10سم للمتوسطة تقريبا



نفصل السفرة عن الجزء السفلى

و نعمل توسيع للذيل او نترك مسافة لفتحة فى الذيل

لسهولة الحركة و الارتداء

ثم نقسم الجزء السفلى كما بالصورة الى خطوط طولية على ابعاد مسافات متساوية



نعمل تشريح على هذه الخطوط لترك مسافات بين كل شريحة و اخرى مسافة 205سم و هذا لعمل الكشكشة

اما اذا اردتى توسيع فى الذيل فيكون 5سم

اقصى حد 10سم




نبدا نقص على الحدود مع ترك مسافة للخياطة 1.2سم فقط

و نقص على السفرة ممكن الورقية اللى قصناها وممكن السفرة نفسها ونراعى ترك مسافة لحردة الرقبة الخلفية لاعلى لانها اقل عمقا من الامامية مع ترك مسافة 3سم تقريبا لعمل فتحة فى حردة الرقبة الخلفية من اعلى لسهولة ادخال الراس



ده شكل القميص قبل الخياطة



نبدا اول شئ سرفلة القميص خاصة خط الكشكشة اللى تحت السفرة



ثم نعمل خط بغرزة واسعة للكشكشة او بسراجة ضيقة



نسحب الخيط بخفة حتى نحصل على الكشكشة المطلوبة

و ده تم شرحه فى القميص الاول



نضبطها بالدبابيس و بالسراجة مع السفرة بهذا الشكل



ثم نمكن بالماكينة



نبدا بخياطة جزء فى سفرة الخلف على خط النصف و نترك مسافة لفتحة الرقبة



المثلثات اللى بنهاية السفرة تقص



ده شكل الفتحة بعد الكى



بنعمل تنظيف للخياطة للداخل تنى المرد الخلفى للسفرة للداخل







نبدا نخيط سفرة الخلف بهذا الشكل



نشق على نهاية المثلث شق بسيط لراحة السفرة عند الخياطة




ده شكلها



نخيط على خط الكتف



ثم نقفل خط الجنب اذا كان بتوسيع لا نترك فتحة اذا لم نكن وسعنا نترك فتحة حوالى 25سم




ثم ثنى الذيل



ده شكله النهاشى قبل تركيب البييه





تركيب البييه





ترك مسافة فى نهاية البييه لعمل عروة للزرار

لقفل المرد



نقفل العروة



الشكل النهائى











اتمنى ان يكون الدرس مفيد و الشرح واضح

و منتظرة منكن اى اسئلة او استفسارات

وربنا يوفقكوا للافضل دائما


ننتظر التطبيق نترك الجمعة القادمة لقربها و انتظر حتى الجمعة التالية لها اى بعد عشرة ايام تقريبا


لكم منى اجمل تحية
الرجوع الى أعلى الصفحة اذهب الى الأسفل
http://omelkatkot.ahlamuntada.com
omelkatkot
الادارة العامة
avatar

عدد الرسائل : 883
الموقع : موقع ام الكتكوت لتعليم الخياطة و مشتملاتها
العمل/الترفيه : معلمة للاقتصاد المنزلى
تاريخ التسجيل : 19/08/2008

مُساهمةموضوع: رد: للقراءة فقط دورة فى قص و خياطة الملابس النسائية   الجمعة مايو 08, 2009 10:53 am



اخواتى الفضليات

ارحب بكم من جديد فى درسنا الجديد فى دورة قص و خياطة الملابس النسائية

و اليوم ان شاء الله تعالى سنقوم بعمل روب بسيط يمكن ان يعمل بنصف كم او بكم طويل حسب الرغبة

و يمكن ان يعمل روب قصير او جاكيت لبيجاما او يعمل روب طويل كل هذا على حسب الرغبة

اتمنى ان يكون الشرح واضح و ميسر للجميع

بالنسبة لطول الروب هو طول القماش حسب قياسنا للطول المطلوب

اما عرض القماش

فسيكون الروب متسع ب 20 سم و نختار دوران الاكبر مثل ما قلنا فى الدرس الاول اى دوران اكبر حجم او دوران الصدر الاكبر فيهم سنقوم باخذه ثم نضيف 20سم لراحة الروب على الجسم

و بالنسبة للفتيات او السيدات النحيفات و الطويلات القامة نراعى اذا ضفنا 20سم على دوران الاكبر و اصبح اقل من 140 فلا تقللى من 140 و ذلك لمعرفة المشى اثناء ارتداء الروب

فاذا نقص عن 140 الدوران بعد اضافة الزيادة سيعيق فى المشى

و نتذكر فى الدرس الاول قلنا ان نعمل فتحة فى نهاية الذيل لسهولة الحركة و بما ان هذا روب فلذلك قلنا لا يقل الدوران عن 140 سم

و فى نساء اخريات يتعدى 140 لا مانع قصى القماش كما قستى على جسمك و ضيفى الزيادة ايضا

البادة عامة بتقصيها على نسيج طولى اى موازية لخط البرسل حتى لا يكون بها مطاطية للاقمشة اللى بتمط

و عرضها بيكون 10 سم و هذا يكون 2سم للخياطات و 4سم للوجه و 4سم للظهر الداخلى ينتج بعد ثنيها و خياطتها 4سم فقط عرضها

و

هذا ايضا بالنبة لباندة الكم

طبعا بالنسبة للقماش اللى قمت بالقص عليه هو مطاط و صعبة خياطته على الماكينة فلذلك خيطت الخطوط العرضية مثل خط الكتف على ورق حتى يتماسك و يلقط الخيط

اخيرا البرسل قصيه اذا كان مشدود او يعيق القص و الخياطة و ضبط القطعة

و نبدا



القماش لميه
عرضه 150 سم



نتخلص من البرسل





الدوران الاكبر مع اضافة 20سم



نقسمهم طوليا بالضبط الى نصفين واحد للامام وواحد للخلف



الخلف نعمل حردة الرقبة عمقها من 1.5الى 2سم و عرضها 8سم

و نرسم دوران خفيف



اما الامام فنعمقها لاسفل 25سم و ندخل على خط الكتف 8سم مثل الخلف

و نرسم خط مستقيم



وده التطبيق على القماش














نقيس طول الباندة

اذا القماش لم يكفى فى الطول يمكن وصلها عن الرقبة الخلفية من اعلى



نخيط خط الكتف مرحلة اولى



شكل وصلة الباندة



نتنيها و نكوى لضبطها قبل خياطتها



نكوى خياطة الكتف الى الخلف



نركب الباندة

فى جسم الروب







قياس طول الكم



الكم





تركيب الكم



خياطة خط الكم مع الجنب



باندة الكم









الحزام



الشكل النهائة





يمكن تركيب دانتيل او جيبير مكان الباندة



او عمله قصير كجاكيب بيجاما



اما ده فعاملاه من طرحة عندى حجمها كبير




اتمنى ان يكون الشرح واضح

اخر شئ هو تنية الذيل

و ما ننسى السرفلة الاوفر لوك

ملحوظة اخيرة ممكن نركب بييه مكان الباندة بييه ستان او قطن يكون جاهز على اطراف الروب و الكم كمان


وفى خط نهاية مثلث فتحة الصدر وعند تركيب الباندة تعمل بدوران خفيف حتى لا تعطى شكل سئ عند تركيب الباندة




اخواتى الفضليات اعتذر عن عدم ردودى السريعة فى الاسبوع الماضى

و اذا كنت نسيت رد على سؤال اتمنى طرحه مرة اخرى فكانت ظروف متداخلة

و ربنا ييسر كل صعب

و منتظرة اى سؤال

لكم منى اجمل تحية
الرجوع الى أعلى الصفحة اذهب الى الأسفل
http://omelkatkot.ahlamuntada.com
omelkatkot
الادارة العامة
avatar

عدد الرسائل : 883
الموقع : موقع ام الكتكوت لتعليم الخياطة و مشتملاتها
العمل/الترفيه : معلمة للاقتصاد المنزلى
تاريخ التسجيل : 19/08/2008

مُساهمةموضوع: رد: للقراءة فقط دورة فى قص و خياطة الملابس النسائية   الجمعة مايو 08, 2009 10:54 am



اهلا بكم اخواتى الدارسات فى الدرس الجديد معلشى كثرت اعتذاراتى عن تغيبى لكن عطل بالجهاز هو اللى اخرنى عنكم لكن ان شاء الله هنزلكوا درسين لقميص نوم حتى يحدث انجاز فى الدورة

و اتمنى ان يكون الشرح واضح

الدرس الاول قميص نوم بقصة مثلثة من اعلى قصة السنتيان لكن حيكون الجزء اللى اسفل الصدر عبارة عن كلوش بسيط و القميص ده ياخذ متر و نصف من القماش و عرض القماش متر و نصف ايضا واى نحتاج قطعة قماش مربعة الشكل طولها وعرضها متر و نصف هنطبق القطعة مثلث طبقتين ثم اربع طبقات لذلك احتياجنا هو قياس دوران اسفل الصدر او دوران طول السنتيان زى ما قسناه لعمل القميص الاحمر بسنتيان لدينا لكن الفارق ان هيكون الموديل اليوم الجزء العلوى من قماش

و هيكون اقصر من السابق شرحه

و الزخرفة بتكون على حسب زوقيات كل سيدة و ليس بنكون مجبرين عليها المهم ان تكون الاقمشة مناسبة للموديل و الكلف مناسبة للقماش و التصميم

عملت هذا القميص على قماش لميه و يمكن عمله على قماش الجيبير او الستان او اللينوه او الفسكوز او اى قماش مناسب للموديل لديك







نقيس دوران اسفل الصدر و نقسمه على اربعة و نضعهذا المقاس بدوران خفيف كما بالشكل بشكل كروكى

استعدادا للقياس الدقيق



ناخذ قياس طول المثلث
على ابعاد و نضع نقط







ثم نبدا بقياس طول القميص و نبدا بالمازورة من قمة المثلث و فى القياس نطرح طول المثلث و هو سيكون طول القميص من تحت الصدر حتى نهاية القميص و بنقيس من قمة المثلث حتى يكون القياس مضبوط و الدوران دوران مضبوط









نقص على الدوران باحتراس العلامات العلوية و السفلية





المثلثين العلويين ناتج القص هنستخدمهم فى قصة السنتيان



نعملهم تهذيب ليكونوا مقاس الصدر



بيكون تداخل القصتين اليمين على اليسار



نعمل كسرات بهذا الشكل و كل ما تزيد الكسرات على حسب حجم الصدر



ده شكلها عند تجميع العلوى مع السفلى



نبدا نركب الدانتيل لو القماش ما بينسل بنركبه بدون سرفلة اما اذا كان ينسل خيوط بنسرفله قبل تركيب الدانتيل











نعمل فتحة فى الجنب حتى يسهل ارتدائه و خلعه و نجملها بالدانتيل و ممكن بالستان



ده شكله من الامام



من الخلف



الشكل النهائى






اتمنى ان يكون الشرح وافى

و نهاسة الذيا يركب شريط دانتيل او يسرفل اوفر لوك او سرقلة برم على حسب الرغبة

الكلوش تنياته لا تتعدى 1سم

لانه الذيل بيكون نسيج ورب

فلا تكون مضبوطة عند تعميق التنيات

اى سؤال تحت امركم

لكم منى اجمل تحية
الرجوع الى أعلى الصفحة اذهب الى الأسفل
http://omelkatkot.ahlamuntada.com
omelkatkot
الادارة العامة
avatar

عدد الرسائل : 883
الموقع : موقع ام الكتكوت لتعليم الخياطة و مشتملاتها
العمل/الترفيه : معلمة للاقتصاد المنزلى
تاريخ التسجيل : 19/08/2008

مُساهمةموضوع: رد: للقراءة فقط دورة فى قص و خياطة الملابس النسائية   الجمعة مايو 08, 2009 10:56 am



الدرس الجديد هو عمل قميص نوم بصدر مربع يصلح للسيدات الحوامل و هو قميص مربع عند الصدر من اعلى و من اول الصدر كلوش حتى الذيل

و يمكن عمله بنفس الشرح لكن بدل الكلوش توسيع من الجنبين من اسفل فقط و عند الابط كما هو

و القماش اما ان يكون لميه او لينوه او قماش فسكوز و اقطان او حراير و شيفونات

على حسب الحاجة

وهذا الموديل بنفس الشرح يمكن عمل موديل بلوزة و لكن نقصر الطول

للحوامل و يتلبس تحتها بدى مثلا

اهم شئ فكرة عمل الصدر المربع و تقفيله و عمله بدون كشكشة و كيفية تشطيب الركنة

فى القصة المربعة

و يحتاج هذا الموديل 250متر الى 3متى اقصى حد وعرض القماش يكون عرضين اى 150 سم

و اليكم الشرح











بعد قص الجزء السفلى الدوران الناتج من اعلى نستخدمه فى الكم



ناخذ 10سم نت كل الجانبى القطعة الايمن و الايسر لقص مثلث و هو سيمثل لنا حردة الابط





والقص هيكون بهذا الشكل



نركب اجزاء الجسم مع الكم

لينتج معنا مربع فى المنتصف بهذا الشكل





نركب شريط الدانتيل فى المربع اللى بالمنتصف



دى طريقة تشطيب الركنة المربعة خط مستقيم مع خياطة حردة الابط



ده شكلها من اعلى



ده شكل القميص على المانيكان

فى مرحلة خياطة الجنب مع الكم

ثم يركب شريط الدانتيل على الكم

وعلى الذيل يشطب بشريط دانتيل او سرفلة برم او سرفلة اوفر لوك

حسب الرغبة





شكله من اعلى



نركب فيونكة بسيطة من اعلى



الذيل ركبت فيه شريط من الترتر جاهز



وده الشكل النهائى للقميص



وممكن عمله على قماش اخر لينوه و ايضا بدون كلوش بكشكشة مثل اول قميص قمنا بعمله لكن الفكرة فى الصدر المربع بيكون الحردة مثلثة الشكل

وهذا القميص بنعمل زيادة على دوران الاكبر سواء دوران اكبر حجم او دوران الصدر حوالى 20 سم ثم بنعمل الحردة من اعلى بننزل 10سم و ندخل 10سم ثم نقص مثلث و نعمل كشكشة و الكم بيكون اطول من الحمالة لعمل الكشكشة

و يمكن عمل كورنيش او عمل ضم للكم بتدكيك استيك

مثل ما فى الصورة







اتمنى ان يكون الشرح واضح

لكم منى اجمل تحية

واى سؤال انا تحت امركم
الرجوع الى أعلى الصفحة اذهب الى الأسفل
http://omelkatkot.ahlamuntada.com
omelkatkot
الادارة العامة
avatar

عدد الرسائل : 883
الموقع : موقع ام الكتكوت لتعليم الخياطة و مشتملاتها
العمل/الترفيه : معلمة للاقتصاد المنزلى
تاريخ التسجيل : 19/08/2008

مُساهمةموضوع: رد: للقراءة فقط دورة فى قص و خياطة الملابس النسائية   الإثنين يونيو 22, 2009 9:59 am



نبدا الدرس الجديد اخواتى الغاليات

و اتمنى ان تعذرونى عن تاخرى عليكن

ظروف خاصة جدا جدا

مع تعب و ارهاق

واتمنى ان يكون الشرح واضح

الدرس اليوم هو بيجاما حريمى

الجاكيت يمكن تغيير موديله كما ترغبين

بكم بدون كم بحمالات

اى موديل اما البنطلون فمقاساته هى مقاساتك اللى تقومين بقياسها و الطول حسب اختيارك طويل قصير بكورنيش بفتحة من الجنب من الامام حسب الرغبة

و البنطلون اللى نزلته هو البنطلون الاساسى

بالنسبة لموديل الجاكيت الخاص بالبيجاما اخترته بسبعة بسيطة و كورنيش و نحن نجد موديلات قمصان نوم كثيرة بسبعة و بدون قصة للسنتيان و الطريقة اللى نزلتها هى نفس طريقة اذا اتبعتيها عند عمل قميص نوم على مقاسك من اعلى و نازل باتساع خفيف فى الذيل

و الشئ الاخر اللى اريد انوه اليه ان قص القميص او جاكيت البيجاما يمكن ان يكون على قماش علدى نسيج طولى او يمكن قصه مثل الكلوش على نسيج ورب مثل الشرح اللى نزلته

و الفرق بين القميص اللى بيقص على نسيج طولى او نسيج ورب هو ان النسيج الورب و الكلوش يمكن ان يتعايش معك عند زيادة وزنك اى بيمط بالعرض معك مثل ما تشترين قميص نوم بيظهر كانه ضيق

و عند ارتدائه بيدخل فيك و بيتسع و ياخذ شكل الجسم

و ده بيكون نتيجة قصه على نسيج ورب


و نبدا بشرح درس اليوم




احتياجنا لورق جلاد او جرايد اى ورق

بنجيب فرخ و نقيس

دوران الصدر و ايضا طول جاكيت البيجاما حسب الرغبة

نقيس على الورق ربع دوران الصدر و هو عرض الباترون و الطول هو طول جاكيت البيجاما ونطرح من طول الجاكيت طول الحمالة و بيكون حوالى 10سم لا تزيد لانها بيجاما و ليس قميص نوم

و هيكون بهذا الشكل
1


نقسم البانرون الى نصفين بالطول لرسم دوران حردة الابط و دوران الصدر القصة العلوية للصدرو نضع نقطة

ثم ننزل من طرفى الباترون حوالى 11سم تقريبا

و نرسم دوران لحردة الابط و دوران القصة العلوية للصدر

كما بالشكل
2


نقسم الباترون بخطوط طولية كما بالشكل لعمل توسيعات للجاكيت وراحة منطقة الصدر و الجناب
3


ثم نقص على الدورانات العلوية بهذا الشكل
4


نقوم بالقص على الخطوط الطولية للباترون



نطبق القماش طبقتين
كما بالشكل



ثم الى اربع طبقات بهذا الشكل



نوضع الباترون المشرح على القماش بهذا الشكل

و نترك توسيعات من 1سم الى 3سم و الاتساع يكون على حسب الرغبة



نقص حول اجزاء الباترون و نترك مسافات للخياطة 1سم من جميع الجهات




نعمل كورنيش على الصدر

بطريقة مبسطة













ده شكل الكورنيش بنركبه على السبعة الامامية لجاكيت البيجاما



هنركب شريط دانتيل على الطرف بهذا الشكل



ولان هذا الجاكيت مثلث الشكل هنقوم بعمل الزاوية الخاصة بالمثلث فى منتصف القصة

بعمل خياطة فى هذا المكان





وده شكله من الامام



نركب شريط دانتيل على طرف الكورنيش



وفى الخلف نعمل نفس الزاوية

و ده شكلها



ودى مرحلة تقفيل الجناب



ثم تركيب الدانتيل على طرف الذيل



ثم تركيب بييه سابق شرحه على حردة الابط مع حمالة الكتف معا



ثم نقيس طول الحمالة المطلوبة ثم نقفلها و نلفقها من الناحية الثانية او نمكنها على الماكينة على حسب اتقانك للخياطة و نوعية القماش اذا كان رقيق



وده شكلها من الخلف



وده الشكل النهائى بعد الكى و الترقفيل النهائى



نبدا فى عمل البنطلون

المقاسات المطلوبة دوران اكبر حجم و طول الحجر

دوران اكبر حجم معروف قياسه او سبق شرحه اما طول الحجر يكون اجلسى على مقعد خشبى اى مسطح ثم من عند الوسط بالظبط الى المقعد قيسى طول الحجر

كما بالشكل



نبدا برسم الباترون للبنطلون البيجاما الحريمى بطريقة مبسطة

نصيحة ارسميه على ورق افضل للاحتفاظ به

فى عدة موديلات لك اخرى

نحتاج طول الورق يساوى طول البنطلون مع اضافة 10سم لزوم تركيب الاستيك و العرض يكون اكثر من نصف دوران اكبر حجم باضافة زيادات الحجر من الناحيتين

نرسم على الورق خط افقى ننزل 10سم للاستيك و نرسم خط افقى

ثم ننزل مسافة طول الحجر باضافة 1سم له لراحة الحجر

و نرسم خط افقى اخر



نرسم خط راسى فى منتصف الورق سيكون هو خط فاصل بين الامام و الخلف اى خط الجنب

و على جانبى هذا الخط نقيس يمينا ربع دوران اكبر حجم و يسارا ربع دوران اكبر حجم ايضا

و ننزل بخطين راسيين طولييا

الناحية اليمنى هو الامام و اليسرى هو الخلف

اما حجر الاما هنلاحظ اقل عمقا من حجر الخلف و ده نتيجة لبروز المقعدة من الخلف عن الامام

و نبدا بعمل حجر الامام بالخروج الى اليمين الى الخارج مسافة نقسم دوران الجناب على 16 مرة و الناتج نقيسه فى الامام و نضع نقطة

اما للخلف فنقسم دوران اكبر حجم على 12 مرة و نضيف اليه 2سم على الناتج و هذا الناتج نخرج به لليسار و نضع نقطة

كما بالشكل



نرسم دوران خفيف لحجر الامام و ايضا لحجر الخلف
و ندخل من اسفل لتكسيم ذيل البنطلون 2سم و ده حسب الرغبة و موديل البنطلون



نقوم بالقص حول الخطوط الخارجية ليصبح هكذا

وعند وضعه على القماش نترك مسافة 1سم من جميع الجهات للخياطات



نلاحظ ان حجر الامام عند وضعه مع الخلف يكون اقل عمقا

كما بالشكل



نبدا بخياطة كل رجل بمفردها من اسفل الى ان نصل الى الحجر



نبدا بقلب واحد منهم و تدخيله داخل الاخر لخياطة الحجر



ثم نخيط الحجر على هذا الخط الموضح بالشكل



يصبح شكله هكذا



نبدا بعمل ثنية علوية مقاس الاستيك العريض



شكل التنية من الداخل

مع مراعاة ترك مسافة لتدكيك الاستيط

تسمح بدخوله



ده شكله من الخارج



ندكك الاستيك



نسحب طرفى الاستيك و نثبتها بغرزة ماكينة او يدوية



ده الشكل النهائى للبنطلون



تركيب الكلف و الدانتيل حسب الرغبة فهى حسب امكانات المنطقة و البلد اللى تعيشين فيها و هى ايضا ترجع الى نوعية الخامة

وفلذلك تكون حسب الرغبة

ممكن بدل الدانتيل نركب بييهات

كل هذا حسب الرغبة

اتمنى ان يكون الشرح واضح و ميسر للجميع

لكم منى اجمل تحية





الرجوع الى أعلى الصفحة اذهب الى الأسفل
http://omelkatkot.ahlamuntada.com
omelkatkot
الادارة العامة
avatar

عدد الرسائل : 883
الموقع : موقع ام الكتكوت لتعليم الخياطة و مشتملاتها
العمل/الترفيه : معلمة للاقتصاد المنزلى
تاريخ التسجيل : 19/08/2008

مُساهمةموضوع: رد: للقراءة فقط دورة فى قص و خياطة الملابس النسائية   الإثنين يونيو 22, 2009 10:04 am






اخواتى الغاليات

اليكم الدرس الجديد من دروس دورة فى قص و خياطة الملابس النسائية

اليوم باذن الله تعالى ساقدم لكم درس عباءة منزلية او جلابية

هو موديل بسيط لا غنى عنه ضمن ملابسنا المنزلية

و تغيرت زخارفه و اشكاله من عام لاخر

و هدفى هو الفكرة الرئيسية للعباءة

نزلت طريقة العباءة بسفرة جاهزة

اذا احد منكم لا يوجد لديه هذه السفرة ممكن يستعيض عنها بتطريزات او ابليكات جاهزة او شرائط ستان مع جيبير او وضع قطعة من قماش الجيبير او الشيفون فى منطقة السفرة و نهايات القماش ممكن نركب شريط دانتيل او جالون او نركب خرز و ترتر

اهم شئ هو الفكرة و طريقة قص مثل هذا الموديل

نهايات الكم تكون اما بشريط دانتيل او بييه او باندة

او كورنيش او جيبير

او تطريز بالفستون

المهم ان يكون متناسب مع الزخرفة اللى داخل العباءة


هذه العباءة

عرض 150 من القماش يصلح للنحيفات

فقط

اما عرض 90 تاخذى منه طولين

و يصلح للنحيفات و غير النحيفات

اما عرض 120 هو ايضا يكفى لجميع الاوزان


الفرق بينهم ان القماش عرض 150 يطوى نصفين و يكفى للاجسام النحيفة و تاخذ منه طول واحد اما باقى الاعراض فتاخذى منه طولين فتاخذى قماش اكثر اتمنى ان تكون هذه المعلومة مفهومة


----------------------


ناخذ دوران الصدر و دوران اكبر حجم

نضيف 20 سم لكل منهما

فتحة الكم تكون من 25 سم الى 35 سم و ده بيكون نتيجة للنحافة و السمنة

و نحتاج الى طول الكتف مع طول الكم المطلوب و هو غالبا نصف كم
-------------------------

القماش يطوى اربع طبقات

اول مرحلة هى حردة ما تحت فتحة الكم مع الابط الى نهاية الذيل





نحدد مكان فتحة الكم من 25سم الى 35سم على حسب حجم الجسم



و تحت فتحة الكم يكون الدوران على اساس المسافة تساوى ربع دوران الصدر و ذلك بعد الزيادة اللى ضفناها من قبل

اما بعد مسافة تقريبا 30سم لاسفل يكون قياسنا لربع دوران اكبر حجم بعد الزيادة ايضا

ولا ننسى فى حالة دوران اكبر حجم هو الاصغر من دوران الصدر و دى حالات قليلة نختار الدوران الاكبر فيهم


و نقص تحت الفتحة الخاصة بالكم بدوران مثل اللى امامك




نقص باندة للكم الهدف منها تطويل الكم و ايضا تعطى شكل منظم لفتحة الكم

و عرضها 12سم و طولها طول فتحة الكم



وده شكل العباءة استعدادا لعمل حردة الرقبة



وده مكان السفرة




نثنى السفرة على منتصفها

و نضعها على جسم العباءة مثنية ايضا على منتصفها



نقص حردة الرقبة الامامية



نضع وجه السفرة فى ظهر القماش استعدادا لخياطة حردة الرقبة الامامية



نخيط على حردة الرقبة الامامية هكذا




نبدا بقلب السفرة

و قبل قلبها نعمل شقوق



شكل الشقوق تتركى 2 مللى متر قبل الخياطة حتى لا تتمزق





نقلب السفرة و نكوى



نبدا بقص حردة الرقبة الخلفية يكون عرضها مثل الامامية اما عمقها لاسفل ما بين 1.5 الى 2 سم فقط



نبدا نعمل انفورم لحردة الرقبة الخلفية

ناخذ قماشة مربعة عرضها اكثر من عرض حردة الرقبة اى تدخل معك الى الكتف قليلا



نطويها على مثنى



نضع جسم الخلف مثنى على القماشة



نقص حردة الرقبة للانفورم مثل حردة الرقبة الخلفية بالضبط



ثم نهذب الانفورم و نحرد دوران من اسفله ليكون افضل





نضع الانفورم على جسم الخلف و نخيط على حردة الرقبة



نشقق مثل حردة الامام و نقلب و نكوى



نضع الامام على الخلف



نقلب الانفورم على الامام هكذا لخياطة الكتف



نخيط على خط الكتف بهذا الشكل



نقلب و ده شكل الانفورم بعد خياطته



ده شكله من الوجه



نبدا فى تثبيت السفرة و ضبطها بالدبابيس

و تشطيب اطرافها عن طريق اللفق او عن طريق الماكينة بالتمكين على اطرافها و ده يجب الاتقان الشديد لعمل مثل هذه الطريقة



نطوى الباندة و نكويها هكذا



نركبها فى فتحة الكم



و ده شكلها من وجه العباءة



و اخيرا نخيط خط الجنب






و ده الشكل النهائى



الشكل من اعلى



فى حالة ان حردة الرقبة ضيقة لا تدخل الراس يمكن عمل فتحة بسيطة من الخلف فى المنتصف

نشق على المنتصف فتحة حوالى 10سم



ده شطل الفتحة



نقلب و نخيط على الفتحة من الناحية الخلفية بهذا الشكل على بعد نصف سم فقط



نقص على مثلثات فى ركنة العلوية للفتحة و نشق شقين على الركنة السفلية للفتحة

بهذا الشكل



ده شكل الفتحة بعد قلبها

نركب عروة خارجية و زرار على طرف الفتحة من اعلى او كبسون حسب الرغبة





ملحوظة ممكن تشطيب حردة الرقبة و فتحة الخلف بالبييه و ليس بهذه الطريقة

و ده حسب الرغبة

طبعا السفر انواع و اشكال فى السوق فيمكن اختيار سفرة بشكل اخر و توظيفها بهذه الطريقة

و يمكن عمل العباءة بهذه الطريقة و عمل حردة للامام و الخلف بدون تركيب سفر و تشطيب الحردة الخاصة بالرقبة و فتحة الكم بالبييه بشكل جميل و ممكن بلون اخر ليظهر شكل العباءة

و عمل فتحة للعباءة من الامام و تركيب بها بييه بدلا من الخلف

و التطريز على صدر العباءة

او تركيب ابليكة جاهزة مثلا

او تركيب جزء من قماش اخر مثل الستان او الجيبير

و تشطيب نهاياته بشرائط الستان العريضة



او شرائط الكلف و الجيبير الجاهز

و فى حالة عمل سفرة من القماش نعمل السفرة مربعة او مستطيلة او عدد من المربعات فى نفس العباءة

ودى اختيارات

و اخيرا كلها اخيارات و لك الاختيار

و يمكن ايضا تجميل العباءة بوحدات من الكروشيه


اما حردة الرقبة فى حالة ان السفرة مو موجودة

يكون عرض الفتحة من اعلى للخلف كامل 14 سم او للامام كامل 14سم



ملحوظة اخرى

لا ننسى اتساع الذيل مناسب لحركة الرجل و المشى اثناء ارتدائك لها


اتمنى ان يكون الشرح واضح

لكم منى اجمل تحية
الرجوع الى أعلى الصفحة اذهب الى الأسفل
http://omelkatkot.ahlamuntada.com
 
للقراءة فقط دورة فى قص و خياطة الملابس النسائية
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
ام الكتكوت لتعليم الخياطة ومشتملاتها :: قسم الدورات التعليمية-
انتقل الى: