دورة لتعلم قص و خياطة الملابس النسائية

تذكير بمساهمة فاتح الموضوع :

احيى كل اخواتى عضوات منتدى ام الكتكوت و محبات تعلم التفصيل و الخياطة

بناء على رغبة الكثير من العضوات اللواتى يردن تعلم التفصيل و الخياطة

سنبدا ان شاء الله دورة فى تعلم الملابس النسائية

و ان شاء الله تكون دورة ميسرة و مبسطة للجميع و لكل طالبى هذا العلم

اخواتى الفضليات

الدورة لم تحدد مدتها لطول فترتها

لكثرة الملابس النسائية و تعددها

و ان شاء الله يكون فيها ارضاء لكل طلب

و هذه الدورة اهديها لكل اخت تريد تعلم الخياطة

و الدورة ان شاء الله ستكون بها جميع طلبات العضوات

اللواتى طلبن اياها

فبها منهج بالباترون

و بها منهج بدون باترون

و تسلسلها ان شاء الله سيكون على حسب نوعية القطعة و موديلها و احتياجك لها

لكن رجائى الوحيد منكن عدم الاستعجال

فالخياطة و تعلمها لا ياتى الا بالصبر و ليس استعجالا

و يرجى الالتزام

و الالتزام بمعنى اننا لا نتخطى الخطوة او نتراخى فى خطوة

ليس هذا من اجلى انا

و لكن لعدم حدوث تشويش للاخوات الدارسات

ان شاء الله تعالى هنزل كل مرحلة فى نهاية كل اسبوع

و انت عليكى التطبيق خلال الاسبوع

و تنزيل صور اعمالك خلال الاسبوع

و ان شاء الله انا متواجدة بشكل يومى

و هنزل كل خطوة جديدة فى نهاية الاسبوع التالى و هكذا

يعنى درس جديد كل اسبوع

طبعا انا اخترت كل اسبوع

لان كل منا عنده اشغاله و مسئولياته و اولاده و اترك اسبوع للتطبيق باكمله و تنزيل صوراعمالك فيه

اتمنى من الله سبحانه و تعالى ان يوفقنى فى هذه الدورة

و اتمنى ان يوفقكم اخواتى لاجتياز تلك الدورة بنجاح

الجدول مفتوح و قابل للتغيير خلال الدورة

و ان شاء الله هنزله بعد اسبوع من اليوم

لكم منى اجمل تحية

عوداً محمود اختي ام الكتكوت ...إن شاء الله رح اطبق الموديلين

رنيم15 كتب:

كيف حالك اختي اعتذرلكي عدم تطبيقي الدروس السابق لاني كنت مشغولة والحمد لله الحين تفرغت لدورتك الغالية هلارسمت بترون القميص الاخير صح على مشكورة لكي على الدروس الحلوة

ولا يهمك فى ظروف اوقات بتغير ترتيباتك وافكارك

والحمدلله عدتى بالسلامة
انت هتعملى الاخير دى رسمته هتعمليه على كلوش ولا عادى بدون

لو بدون راعى توسيع الجنب حتى ييسر عليكى ارتدائه و خلعه

و الجسم انت تقصدى اربع طبقات صح كدة عشان عملتى الحردة من ناحية واحدة

دانا الدنيا كتب:

السلام عليكم
اهلا بعودتك مره اخرى الغاليه ام كتكوت والله اني كل يوم ادخل ادور عيك اذا حضرتي اولا
واقول في نفسي عسى المانع خير
والحمد لله ان العطل صار في الجهاز وانتي سالمه
الحمد لله
دروسك الاخيره كمان بمنتهى الروعه ماشاء الله
بس عندي استفسار اذا ما يضايقك
انو القماش مثمي في الدرس الاخير من الامام ومن الخلف
مع شكري الجزيل لك حبيبتي

الحمد لله بارك الله فيك

و اسعدتينى بسؤالك عليا

دمتى بخير

فى كلمة مو واضحة انت بتقولى القماش ايه متنى ولا ايه ما فهمت قصدك

يارب يارب يبارك فيكي ويعطيكى الف عافية وتكوني من اهل الجنة مشكورررررررررررررررررررررررررررة ياغالية

العمل جيد و متقن ونحن في انتظار الدرس الجديد و الحماس يغمرنا وفقك الله

اي اقصد القماش يكون مثني من الامام ومثني من الخلف ؟؟؟؟
ولا الكلوش عن امام وخلف اللي عاملتيه
ارجوا التوضيح

تسلمى ام الكتكوت الله يكرمك ويبارك فيك على المعلومات المفيدة الجميلة

وجعل الله كل من يستفيد منك خير ويكون فى ميزان اعمالك

ممكن طلب لو سمحتى عايزة اعرف طريقة عمل البانشوه

وشكرا لكى على كرمك وجزاك الله كل الخير

هذا تطبيقي للدرس الخامس

سؤالي / هل عملية ظبط الستيان لهذا الموديل فقط نكتفي بالنظر كتقدير ام هناك مقسات نلتزم بها ؟

rushdy abaza كتب:

يارب يارب يبارك فيكي ويعطيكى الف عافية وتكوني من اهل الجنة مشكورررررررررررررررررررررررررررة ياغالية

امين يارب العالمين

لك مثلها يا رب

farawla00 كتب:

العمل جيد و متقن ونحن في انتظار الدرس الجديد و الحماس يغمرنا وفقك الله

بارك الله فيك

ربنا ييسر كل صعب

دانا الدنيا كتب:

اي اقصد القماش يكون مثني من الامام ومثني من الخلف ؟؟؟؟
ولا الكلوش عن امام وخلف اللي عاملتيه
ارجوا التوضيح

القميص اللى بقصة السنتيان مثنى من الامام و الخلف و الجنبين واحد منهم به خياطة و به فتحة او الاثنين مفتوحين و تترك فتحة فى احد الجانبين

مريم نور كتب:

تسلمى ام الكتكوت الله يكرمك ويبارك فيك على المعلومات المفيدة الجميلة

وجعل الله كل من يستفيد منك خير ويكون فى ميزان اعمالك

ممكن طلب لو سمحتى عايزة اعرف طريقة عمل البانشوه

وشكرا لكى على كرمك وجزاك الله كل الخير

البانشو هو اللى فى العباءة المغربى هو ده قصدك

أم ذر كتب:

هذا تطبيقي للدرس الخامس

سؤالي / هل عملية ظبط الستيان لهذا الموديل فقط نكتفي بالنظر كتقدير ام هناك مقسات نلتزم بها ؟

شكله جميل قوى و حلو والوانه جميلة و متناسقة

اقصد بظبط السنتيان على جسمك اى تكون بالشكل اللى تريديه يكون عليكى والجزء السفلى معروف كلوش ومقاسه تحت الصدر مباشرة

و شغلك فى الجزء العلوى وممكن يتغير الجزء العلوى ممكن مستطيل او اى شكل يريحك

و تحبيه

و هدفى طرح فكرة مع طريقة تجميع القطعة

و طبعا الابداع يكون منكن

ربنا يوفقك

انا بحب الخياطه من زمان قو وكان نفسى حد يعلمنى بس اجيبه منين
المهم دورت فى النت كتير عشان اتعلم بس مكانش فيه فايده لحد ما وصلتيلك
والحمد لله اخيرا اتشجعت ومسكت المقص بس للاسف ماعنديش ماكينه بس ناويه اشتريها خلال اسبوعين
ان شاء الله
فلو عندك اقتراح او نصيحه بخصوص الماكينه متبخليش عليا انا عارفه انك هتنصحينى

زى الماركه او اشترى الحديث ولا القديمه
معلش طولت عليكى

bochy hema كتب:

انا بحب الخياطه من زمان قو وكان نفسى حد يعلمنى بس اجيبه منين
المهم دورت فى النت كتير عشان اتعلم بس مكانش فيه فايده لحد ما وصلتيلك
والحمد لله اخيرا اتشجعت ومسكت المقص بس للاسف ماعنديش ماكينه بس ناويه اشتريها خلال اسبوعين
ان شاء الله
فلو عندك اقتراح او نصيحه بخصوص الماكينه متبخليش عليا انا عارفه انك هتنصحينى

زى الماركه او اشترى الحديث ولا القديمه
معلش طولت عليكى

وصلتى بالسلامة

الحمد لله

افضل الماركات سنجر و برازر

لو النوع القديم من سنجر اليابانى الاصلى ممتاز

خياطة فقط

ممتازة

الله الله يعطيك العافية و جزاك الله كل خير

هذي تطبيقي للفستان بس سويته لبنتي لان القماش مايكفي يمكن الصوره كبيره اذا احد يتكرم ويصغرخا

http://www9.0zz0.com/2009/05/18/14/286161601.jpg

هذا تطبيقي للدرس السادس باذن الله .


الشرح واضح

الشرح واضح يعطيكي العافية

واندة67 كتب:

الله الله يعطيك العافية و جزاك الله كل خير

دانا الدنيا كتب:

هذي تطبيقي للفستان بس سويته لبنتي لان القماش مايكفي يمكن الصوره كبيره اذا احد يتكرم ويصغرخا

جميل و شغل مميز وحلو

و الالوان جميلة

اكيد عملتيه فستان لبنتك

ربنا يوفقك الى الامام دائما

صغرتلك الصورة

أم ذر كتب:

http://www9.0zz0.com/2009/05/18/14/286161601.jpg

هذا تطبيقي للدرس السادس باذن الله .

تطبيق جميل ده درس القميص اللى صدره مربع و كلوش من اسفل عملتيه زى البلوزة قصير صح كدة هو الموديل يتحور بكذا شكل المهم الفكرة

تسلم الايادى

بالتوفيق الى الامام دائما

RACHA كتب:


الشرح واضح

الشرح واضح يعطيكي العافية

اخواتى الغاليات ان شاء الله ادعولى انزل الدرس الجديد اخر الاسبوع هذا ربنا ييسر كل صعب

و اعذرونى على التاخير بسبب ارهاق و شغل متراكم و امتحانات عندى فى الشغل مع حاجات كتير

ربنا ييسر

لكم منى اجمل تحية

ربنا يوفقك يام الكتكوت ويعطيك الصحه والعافيه يارب وينجحك في امتحانك وينولك مرادك ياكريم انت
تستاهلين كل خير يا احلى ام كتكوت في الدنيا والله اني احبك في الله وردة

دانا الدنيا كتب:

ربنا يوفقك يام الكتكوت ويعطيك الصحه والعافيه يارب وينجحك في امتحانك وينولك مرادك ياكريم انت
تستاهلين كل خير يا احلى ام كتكوت في الدنيا والله اني احبك في الله وردة

لا يا غالية انا بشتغل معلمة

و ايام الامتحانات بتكون صعبة يعنى انا اللى بمتحتن الطلبة مع باقى المعلمات و المعلمين

ربنا يوفقك

جزاك الله خيرا أختي أم الكتكوت و بارك فيك

وانا اقول كل ها المعلومات والدقه والخبره والتميز ماتجي الامن وحده ناجحه
ومميزه واستاذه
سامحيني ياستاذتي المتألقه ماكنت ادري انك معلمه
معلمه اد الدنيا
انتي موبس معلمه طالبات بالمدارس انتي استاذتي التي لي الفخر ان كنت عضوه
في منتداها الذي اعطاني بحرا زاخرا مليئ بالجواهر الثمينه
وصحيح مثل ما قال الشاعر
قم للمعلم وفيه التبجيلا كاد المعلم ان يكون رسولا

omelkatkot كتب:

أم ذر كتب:

http://www9.0zz0.com/2009/05/18/14/286161601.jpg

هذا تطبيقي للدرس السادس باذن الله .

تطبيق جميل ده درس القميص اللى صدره مربع و كلوش من اسفل عملتيه زى البلوزة قصير صح كدة هو الموديل يتحور بكذا شكل المهم الفكرة

تسلم الايادى

بالتوفيق الى الامام دائما

مرحباااا ام الكتكوت الله يكون في عونك ويوفقك يارب
بالنسبة لشغلي كان فستان كامل وليس بلوزة لكني عملته على هيئة نموذج صغير جداً لذلك ظهر لك بتلك الصورة

انتظر الدروس القادمة باذن الله .

اخوتى بجد انا سعيدة جدا انى لقيت المنتدى الرائع دا لانى بقالى فترة طويلة جدا بدور على حد يعلمنى الخياطة لكن كل مرة كنت بفشل انى الاقى مكان مناسب وانا حاسة بسعادة كبيرة لانى لقيت مكان مناسب جدا وفى البيت وهو المنتدى الجميل دا اللى اتشرفت بالانضمام لية بتوفيق ربنا ...وكنت فى الحقيقة عاوزة اشترى ماكينة خياطة لانى فعلا مهتمة جدا بالموضوع دا لانى بصمم ازياء من فترة طويلة ونفسى انفذ تصاميمى وياريت لو تساعدونى انى اعرف انواع الماكينات واسعرها ..للعلم انا من مصر من الجيزة وان شاء اللة نتعاون مع بعض تعاون يفيدنا كلنا بأذن اللة...

انا مش عارفة اشكركم ازاى انتم خليتم القص والخياطة ابسط عندى مايكون جزاكم الله عنى كل خير

نبدا الدرس الجديد اخواتى الغاليات

و اتمنى ان تعذرونى عن تاخرى عليكن

ظروف خاصة جدا جدا

مع تعب و ارهاق

واتمنى ان يكون الشرح واضح

الدرس اليوم هو بيجاما حريمى

الجاكيت يمكن تغيير موديله كما ترغبين

بكم بدون كم بحمالات

اى موديل اما البنطلون فمقاساته هى مقاساتك اللى تقومين بقياسها و الطول حسب اختيارك طويل قصير بكورنيش بفتحة من الجنب من الامام حسب الرغبة

و البنطلون اللى نزلته هو البنطلون الاساسى

بالنسبة لموديل الجاكيت الخاص بالبيجاما اخترته بسبعة بسيطة و كورنيش و نحن نجد موديلات قمصان نوم كثيرة بسبعة و بدون قصة للسنتيان و الطريقة اللى نزلتها هى نفس طريقة اذا اتبعتيها عند عمل قميص نوم على مقاسك من اعلى و نازل باتساع خفيف فى الذيل

و الشئ الاخر اللى اريد انوه اليه ان قص القميص او جاكيت البيجاما يمكن ان يكون على قماش علدى نسيج طولى او يمكن قصه مثل الكلوش على نسيج ورب مثل الشرح اللى نزلته

و الفرق بين القميص اللى بيقص على نسيج طولى او نسيج ورب هو ان النسيج الورب و الكلوش يمكن ان يتعايش معك عند زيادة وزنك اى بيمط بالعرض معك مثل ما تشترين قميص نوم بيظهر كانه ضيق

و عند ارتدائه بيدخل فيك و بيتسع و ياخذ شكل الجسم

و ده بيكون نتيجة قصه على نسيج ورب

و نبدا بشرح درس اليوم

احتياجنا لورق جلاد او جرايد اى ورق

بنجيب فرخ و نقيس

دوران الصدر و ايضا طول جاكيت البيجاما حسب الرغبة

نقيس على الورق ربع دوران الصدر و هو عرض الباترون و الطول هو طول جاكيت البيجاما ونطرح من طول الجاكيت طول الحمالة و بيكون حوالى 10سم لا تزيد لانها بيجاما و ليس قميص نوم

و هيكون بهذا الشكل
1

نقسم البانرون الى نصفين بالطول لرسم دوران حردة الابط و دوران الصدر القصة العلوية للصدرو نضع نقطة

ثم ننزل من طرفى الباترون حوالى 11سم تقريبا

و نرسم دوران لحردة الابط و دوران القصة العلوية للصدر

كما بالشكل
2

نقسم الباترون بخطوط طولية كما بالشكل لعمل توسيعات للجاكيت وراحة منطقة الصدر و الجناب
3

ثم نقص على الدورانات العلوية بهذا الشكل
4

نقوم بالقص على الخطوط الطولية للباترون

نطبق القماش طبقتين
كما بالشكل

ثم الى اربع طبقات بهذا الشكل

نوضع الباترون المشرح على القماش بهذا الشكل

و نترك توسيعات من 1سم الى 3سم و الاتساع يكون على حسب الرغبة

نقص حول اجزاء الباترون و نترك مسافات للخياطة 1سم من جميع الجهات

نعمل كورنيش على الصدر

بطريقة مبسطة

ده شكل الكورنيش بنركبه على السبعة الامامية لجاكيت البيجاما

هنركب شريط دانتيل على الطرف بهذا الشكل

ولان هذا الجاكيت مثلث الشكل هنقوم بعمل الزاوية الخاصة بالمثلث فى منتصف القصة

بعمل خياطة فى هذا المكان

وده شكله من الامام

نركب شريط دانتيل على طرف الكورنيش

وفى الخلف نعمل نفس الزاوية

و ده شكلها

ودى مرحلة تقفيل الجناب

ثم تركيب الدانتيل على طرف الذيل

ثم تركيب بييه سابق شرحه على حردة الابط مع حمالة الكتف معا

ثم نقيس طول الحمالة المطلوبة ثم نقفلها و نلفقها من الناحية الثانية او نمكنها على الماكينة على حسب اتقانك للخياطة و نوعية القماش اذا كان رقيق

وده شكلها من الخلف

وده الشكل النهائى بعد الكى و الترقفيل النهائى

نبدا فى عمل البنطلون

المقاسات المطلوبة دوران اكبر حجم و طول الحجر

دوران اكبر حجم معروف قياسه او سبق شرحه اما طول الحجر يكون اجلسى على مقعد خشبى اى مسطح ثم من عند الوسط بالظبط الى المقعد قيسى طول الحجر

كما بالشكل

نبدا برسم الباترون للبنطلون البيجاما الحريمى بطريقة مبسطة

نصيحة ارسميه على ورق افضل للاحتفاظ به

فى عدة موديلات لك اخرى

نحتاج طول الورق يساوى طول البنطلون مع اضافة 10سم لزوم تركيب الاستيك و العرض يكون اكثر من نصف دوران اكبر حجم باضافة زيادات الحجر من الناحيتين

نرسم على الورق خط افقى ننزل 10سم للاستيك و نرسم خط افقى

ثم ننزل مسافة طول الحجر باضافة 1سم له لراحة الحجر

و نرسم خط افقى اخر

نرسم خط راسى فى منتصف الورق سيكون هو خط فاصل بين الامام و الخلف اى خط الجنب

و على جانبى هذا الخط نقيس يمينا ربع دوران اكبر حجم و يسارا ربع دوران اكبر حجم ايضا

و ننزل بخطين راسيين طولييا

الناحية اليمنى هو الامام و اليسرى هو الخلف

اما حجر الاما هنلاحظ اقل عمقا من حجر الخلف و ده نتيجة لبروز المقعدة من الخلف عن الامام

و نبدا بعمل حجر الامام بالخروج الى اليمين الى الخارج مسافة نقسم دوران الجناب على 16 مرة و الناتج نقيسه فى الامام و نضع نقطة

اما للخلف فنقسم دوران اكبر حجم على 12 مرة و نضيف اليه 2سم على الناتج و هذا الناتج نخرج به لليسار و نضع نقطة

كما بالشكل

نرسم دوران خفيف لحجر الامام و ايضا لحجر الخلف
و ندخل من اسفل لتكسيم ذيل البنطلون 2سم و ده حسب الرغبة و موديل البنطلون

نقوم بالقص حول الخطوط الخارجية ليصبح هكذا

وعند وضعه على القماش نترك مسافة 1سم من جميع الجهات للخياطات

نلاحظ ان حجر الامام عند وضعه مع الخلف يكون اقل عمقا

كما بالشكل

نبدا بخياطة كل رجل بمفردها من اسفل الى ان نصل الى الحجر

نبدا بقلب واحد منهم و تدخيله داخل الاخر لخياطة الحجر

ثم نخيط الحجر على هذا الخط الموضح بالشكل

يصبح شكله هكذا

نبدا بعمل ثنية علوية مقاس الاستيك العريض

شكل التنية من الداخل

مع مراعاة ترك مسافة لتدكيك الاستيط

تسمح بدخوله

ده شكله من الخارج

ندكك الاستيك

نسحب طرفى الاستيك و نثبتها بغرزة ماكينة او يدوية

ده الشكل النهائى للبنطلون

تركيب الكلف و الدانتيل حسب الرغبة فهى حسب امكانات المنطقة و البلد اللى تعيشين فيها و هى ايضا ترجع الى نوعية الخامة

وفلذلك تكون حسب الرغبة

ممكن بدل الدانتيل نركب بييهات

كل هذا حسب الرغبة

اتمنى ان يكون الشرح واضح و ميسر للجميع

لكم منى اجمل تحية

الله فكره حلوه وطريقه سهله ومبسطه

جزاك الله خيرا ورزقك الصحة والعافية

اعجبني باترون السروال واريد تطبيقه ياريت اختي شرح كلمات دوران الجناب لم افهم ما المقصود بها وشكرا اما البيجاما فهي صعبة على مبتداة مثلي

عضوة عدد الرسائل: 38 تاريخ التسجيل: 08/04/2009

الف شكر اختى ام الكتكوت على هذة الافكار الجميلة فعلا رووووووووووووووعة وسهلة جدا فى انتظارالمزيد من افكارك الحلوة

الحمد لله ع السلامة اختي ام الكتكوت ..إيه الحلاوة دي إن شاء الله رح اشتغله .

باركم الله بيك عالمجهود المبذول والطقم طالع حلو قوي ولا اللي في السوق

@لبى قلبي@ كتب:

الله فكره حلوه وطريقه سهله ومبسطه

بارك الله فيك

زهرة البستان كتب:

جزاك الله خيرا ورزقك الصحة والعافية

اعجبني باترون السروال واريد تطبيقه ياريت اختي شرح كلمات دوران الجناب لم افهم ما المقصود بها وشكرا اما البيجاما فهي صعبة على مبتداة مثلي

دوران اكبر حجم هو دوران الجناب اى تلفى المازورة حول الجناب مارا على اعلى تقطة فى الخلف و فى الامام مارا ببداية البطن و ده هو دوران اكبر حجم او دوران الجناب

و فى صورة توضح ذلك فى الشرح و اذا ما فهمتى اشرحلك مرة تانية

انا تحت امرك

noga_kms كتب:

الف شكر اختى ام الكتكوت على هذة الافكار الجميلة فعلا رووووووووووووووعة وسهلة جدا فى انتظارالمزيد من افكارك الحلوة

الف الف شكر

ربنا ييسر

أم ذر كتب:

الحمد لله ع السلامة اختي ام الكتكوت ..إيه الحلاوة دي إن شاء الله رح اشتغله .

الله يسلمك و يباركلك يا ام ذر

نايلة كتب:

باركم الله بيك عالمجهود المبذول والطقم طالع حلو قوي ولا اللي في السوق

ربنا يباركلك

و يوفقك يارب

عزيزتي ام الكتكوت مش عارفة أشكرك ازاي على مجهودك
ربنا يجعله في ميزان حسناتك
والله ده الموضوع اللي كنت هموت عليه اني اعرف أفصل حاجات من غير الباترون
لأني مش فاهماه خالص
وقرأت الموضوع كله وعجبتني طريقتك اللي دوخت في كل المواقع علشان اتعلمها
و ملقتهاش الا هنا
ربنا يسعدك قد ما أسعدتي ناس كتير بموضوعك.
ان شاء الله أطبق القميص بفتحة مربعة ولكن هعمله القطعة العلوية من بيجاما لبنوتي لأن في زيه في السوق بس بأستيك على الفتحة والكمام.
ويا ريت لو بعد كده تعملي دورة لفساتين البنات بدون باترون
بعد ما تخلصي دورة الملابس النسائية كلها انا مش مستعجلة خالص
متابعاك ان شاء الله
وشكرا لك

شكرا الك على الدرس الحلو
بصراحه انا نفسي اجيب ما كينه واتعلم الخياطه
وبشكر الموقع الجميل الي راح يفيدني وانا في بيتي

شكرا ام الكتكوت فرحتي لاتوصف لما وجت ردك على سؤالي جزاك الله خيرا ساحاول تطبيقه واتمنى ان تقبليني تلميدة في مدرستك الرائعة وشكرا اناجد متحمسة للخياطة احتاج لدعم فقط

جزاك الله خيرا

مساء الخير مشكورة حبيبتي على هذي الدروس الحلوة انا مشتركة جديدة عندكم اتمني ان تقبلوني حبيبتي ام الكتكوت انا اعرف اخيط اشوي واريد اتعلم افصل فساتين بس ما اعرف اسوي بترونات بليز ساعدني

شكراااااااااااااااااااااااا

[quote="ام ادهم"]عزيزتي ام الكتكوت مش عارفة أشكرك ازاي على مجهودك
ربنا يجعله في ميزان حسناتك
والله ده الموضوع اللي كنت هموت عليه اني اعرف أفصل حاجات من غير الباترون
لأني مش فاهماه خالص
وقرأت الموضوع كله وعجبتني طريقتك اللي دوخت في كل المواقع علشان اتعلمها
و ملقتهاش الا هنا
ربنا يسعدك قد ما أسعدتي ناس كتير بموضوعك.
ان شاء الله أطبق القميص بفتحة مربعة ولكن هعمله القطعة العلوية من بيجاما لبنوتي لأن في زيه في السوق بس بأستيك على الفتحة والكمام.
ويا ريت لو بعد كده تعملي دورة لفساتين البنات بدون باترون
بعد ما تخلصي دورة الملابس النسائية كلها انا مش مستعجلة خالص
متابعاك ان شاء الله

----------------------------

ان شاء الله ربنا ييسر

وان شاء الله نشوف تطبيقطك

و ربنا يوفقك

للامام دائما

وشكرا لك[quote="ألوئه الأموره"]

و يوفقك يارب

ألوئه الأموره كتب:

شكرا الك على الدرس الحلو
بصراحه انا نفسي اجيب ما كينه واتعلم الخياطه
وبشكر الموقع الجميل الي راح يفيدني وانا في بيتي

انا اللى اشكر وجودك و يسعدنى ايضا تواجدك معنا

و ان شاء الله تسعدى معنا كما نحن سعداء بك

زهرة البستان كتب:

شكرا ام الكتكوت فرحتي لاتوصف لما وجت ردك على سؤالي جزاك الله خيرا ساحاول تطبيقه واتمنى ان تقبليني تلميدة في مدرستك الرائعة وشكرا اناجد متحمسة للخياطة احتاج لدعم فقط

ربنا يوفقك يارب لكل خير

و يكون الشرح ميسر و فيه الافادة

mdamafaf كتب:

جزاك الله خيرا

دانة الفارسي كتب:

مساء الخير مشكورة حبيبتي على هذي الدروس الحلوة انا مشتركة جديدة عندكم اتمني ان تقبلوني حبيبتي ام الكتكوت انا اعرف اخيط اشوي واريد اتعلم افصل فساتين بس ما اعرف اسوي بترونات بليز ساعدني

ان شاء الله ربنا ييسر

زى ما انجزنا فى ملابس المنزل ربنا ييسر فى ملابس الخروج

LARA_2008 كتب:

شكراااااااااااااااااااااااا

بارك الله فيك

اخواتى الغاليات

اليكم الدرس الجديد من دروس دورة فى قص و خياطة الملابس النسائية

اليوم باذن الله تعالى ساقدم لكم درس عباءة منزلية او جلابية

هو موديل بسيط لا غنى عنه ضمن ملابسنا المنزلية

و تغيرت زخارفه و اشكاله من عام لاخر

و هدفى هو الفكرة الرئيسية للعباءة

نزلت طريقة العباءة بسفرة جاهزة

اذا احد منكم لا يوجد لديه هذه السفرة ممكن يستعيض عنها بتطريزات او ابليكات جاهزة او شرائط ستان مع جيبير او وضع قطعة من قماش الجيبير او الشيفون فى منطقة السفرة و نهايات القماش ممكن نركب شريط دانتيل او جالون او نركب خرز و ترتر

اهم شئ هو الفكرة و طريقة قص مثل هذا الموديل

نهايات الكم تكون اما بشريط دانتيل او بييه او باندة

او كورنيش او جيبير

او تطريز بالفستون

المهم ان يكون متناسب مع الزخرفة اللى داخل العباءة

هذه العباءة

عرض 150 من القماش يصلح للنحيفات

فقط

اما عرض 90 تاخذى منه طولين

و يصلح للنحيفات و غير النحيفات

اما عرض 120 هو ايضا يكفى لجميع الاوزان

الفرق بينهم ان القماش عرض 150 يطوى نصفين و يكفى للاجسام النحيفة و تاخذ منه طول واحد اما باقى الاعراض فتاخذى منه طولين فتاخذى قماش اكثر اتمنى ان تكون هذه المعلومة مفهومة

----------------------

ناخذ دوران الصدر و دوران اكبر حجم

نضيف 20 سم لكل منهما

فتحة الكم تكون من 25 سم الى 35 سم و ده بيكون نتيجة للنحافة و السمنة

و نحتاج الى طول الكتف مع طول الكم المطلوب و هو غالبا نصف كم
-------------------------

القماش يطوى اربع طبقات

اول مرحلة هى حردة ما تحت فتحة الكم مع الابط الى نهاية الذيل

نحدد مكان فتحة الكم من 25سم الى 35سم على حسب حجم الجسم

و تحت فتحة الكم يكون الدوران على اساس المسافة تساوى ربع دوران الصدر و ذلك بعد الزيادة اللى ضفناها من قبل

اما بعد مسافة تقريبا 30سم لاسفل يكون قياسنا لربع دوران اكبر حجم بعد الزيادة ايضا

ولا ننسى فى حالة دوران اكبر حجم هو الاصغر من دوران الصدر و دى حالات قليلة نختار الدوران الاكبر فيهم

و نقص تحت الفتحة الخاصة بالكم بدوران مثل اللى امامك

نقص باندة للكم الهدف منها تطويل الكم و ايضا تعطى شكل منظم لفتحة الكم

و عرضها 12سم و طولها طول فتحة الكم

وده شكل العباءة استعدادا لعمل حردة الرقبة

وده مكان السفرة

نثنى السفرة على منتصفها

و نضعها على جسم العباءة مثنية ايضا على منتصفها

نقص حردة الرقبة الامامية

نضع وجه السفرة فى ظهر القماش استعدادا لخياطة حردة الرقبة الامامية

نخيط على حردة الرقبة الامامية هكذا

نبدا بقلب السفرة

و قبل قلبها نعمل شقوق

شكل الشقوق تتركى 2 مللى متر قبل الخياطة حتى لا تتمزق

نقلب السفرة و نكوى

نبدا بقص حردة الرقبة الخلفية يكون عرضها مثل الامامية اما عمقها لاسفل ما بين 1.5 الى 2 سم فقط

نبدا نعمل انفورم لحردة الرقبة الخلفية

ناخذ قماشة مربعة عرضها اكثر من عرض حردة الرقبة اى تدخل معك الى الكتف قليلا

نطويها على مثنى

نضع جسم الخلف مثنى على القماشة

نقص حردة الرقبة للانفورم مثل حردة الرقبة الخلفية بالضبط

ثم نهذب الانفورم و نحرد دوران من اسفله ليكون افضل

نضع الانفورم على جسم الخلف و نخيط على حردة الرقبة

نشقق مثل حردة الامام و نقلب و نكوى

نضع الامام على الخلف

نقلب الانفورم على الامام هكذا لخياطة الكتف

نخيط على خط الكتف بهذا الشكل

نقلب و ده شكل الانفورم بعد خياطته

ده شكله من الوجه

نبدا فى تثبيت السفرة و ضبطها بالدبابيس

و تشطيب اطرافها عن طريق اللفق او عن طريق الماكينة بالتمكين على اطرافها و ده يجب الاتقان الشديد لعمل مثل هذه الطريقة

نطوى الباندة و نكويها هكذا

نركبها فى فتحة الكم

و ده شكلها من وجه العباءة

و اخيرا نخيط خط الجنب

و ده الشكل النهائى

الشكل من اعلى

فى حالة ان حردة الرقبة ضيقة لا تدخل الراس يمكن عمل فتحة بسيطة من الخلف فى المنتصف

نشق على المنتصف فتحة حوالى 10سم

ده شطل الفتحة

نقلب و نخيط على الفتحة من الناحية الخلفية بهذا الشكل على بعد نصف سم فقط

نقص على مثلثات فى ركنة العلوية للفتحة و نشق شقين على الركنة السفلية للفتحة

بهذا الشكل

ده شكل الفتحة بعد قلبها

نركب عروة خارجية و زرار على طرف الفتحة من اعلى او كبسون حسب الرغبة

ملحوظة ممكن تشطيب حردة الرقبة و فتحة الخلف بالبييه و ليس بهذه الطريقة

و ده حسب الرغبة

طبعا السفر انواع و اشكال فى السوق فيمكن اختيار سفرة بشكل اخر و توظيفها بهذه الطريقة

و يمكن عمل العباءة بهذه الطريقة و عمل حردة للامام و الخلف بدون تركيب سفر و تشطيب الحردة الخاصة بالرقبة و فتحة الكم بالبييه بشكل جميل و ممكن بلون اخر ليظهر شكل العباءة

و عمل فتحة للعباءة من الامام و تركيب بها بييه بدلا من الخلف

و التطريز على صدر العباءة

او تركيب ابليكة جاهزة مثلا

او تركيب جزء من قماش اخر مثل الستان او الجيبير

و تشطيب نهاياته بشرائط الستان العريضة

او شرائط الكلف و الجيبير الجاهز

و فى حالة عمل سفرة من القماش نعمل السفرة مربعة او مستطيلة او عدد من المربعات فى نفس العباءة

ودى اختيارات

و اخيرا كلها اخيارات و لك الاختيار

و يمكن ايضا تجميل العباءة بوحدات من الكروشيه

اما حردة الرقبة فى حالة ان السفرة مو موجودة

يكون عرض الفتحة من اعلى للخلف كامل 14 سم او للامام كامل 14سم

ملحوظة اخرى

لا ننسى اتساع الذيل مناسب لحركة الرجل و المشى اثناء ارتدائك لها

اتمنى ان يكون الشرح واضح

لكم منى اجمل تحية

السلام عليكم
انا عندي سؤال في الدرس السابق ..الكرنيش هل نقطع منه شئ او كامل الدائرة نعملها على الرقبه ؟

لاني قصيت الموديل نمودج صغير والكرنيش صار عندي كبير جداً على حردة الرقبة ومفيش تصرف امامي إلا اعمل كشكشة لسيطرة على الكرنيش ؟؟

اما عن درس اليوم قوية دي قوية يام الكتكوت منين رح نجيب القصة بتاع الصدر دي؟؟؟!!!!

أمازحك يام الكتكوت إن شاء الله رح اتصرف واجد لها حل
اشكر صبرك علينا وبارك الله فيك

انا اتمنى ان اكون معكم فى هذه الدوره انا اشتريت مكنه جديد واتمنى ان اتعلم الخياطه بسهوله
تسلم ايدك ام الكتكوت ممكن اعرف انت منين

المشرفة عدد الرسائل: 118 تاريخ التسجيل: 04/01/2009

ام الكتكوت الحقيني انا فصلت سروال البيجاما لبنتي طبقت الدرس جيدا لكنه كبير جدا

ا

اهلا ام حمودى انا نفسى اتعرف على كل من فى هذا المنتدى الجميل لكن ما فيش حد بيفتح خالصاتمنى ان نكون اخوات فى الله

ايه يا حبيبتى ماردتيش عليه انت مشغوله

تطبيقي لدرس العباية

توكلت على الله نورت

[img][/img]

الرمز:

تسلم ايديك العبايه حلوة أوووي وسهلة

شكرا لك على هذا البرنامج الرائع وأجرك عل الله

@لبى قلبي@ كتب:

الف الفف شكر

أم ذر كتب:
السلام عليكم
انا عندي سؤال في الدرس السابق ..الكرنيش هل نقطع منه شئ او كامل الدائرة نعملها على الرقبه ؟

لاني قصيت الموديل نمودج صغير والكرنيش صار عندي كبير جداً على حردة الرقبة ومفيش تصرف امامي إلا اعمل كشكشة لسيطرة على الكرنيش ؟؟

اما عن درس اليوم قوية دي قوية يام الكتكوت منين رح نجيب القصة بتاع الصدر دي؟؟؟!!!!

أمازحك يام الكتكوت إن شاء الله رح اتصرف واجد لها حل
اشكر صبرك علينا وبارك الله فيك

الكورنيش كبير ممكن كشكشة و ممكن تعملى تهذيب ليه بقص جزء منه اذا كان كبير نوعا المهم لا يظهر الا بشكل جميل على الجاكيت

الحمد لله انت طبقتى الدرس باسلوب جميل يا ام ذر يعجبنى حسن التصرف

ده ينم دائما عن الابداع

شيرين كتب:
انا اتمنى ان اكون معكم فى هذه الدوره انا اشتريت مكنه جديد واتمنى ان اتعلم الخياطه بسهوله
تسلم ايدك ام الكتكوت ممكن اعرف انت منين

منتظرين التطبيقات و المتابعة يا شرين

ان شاء الله تابعى فى الدروس القادمة

التنورة البسيطة

الدرس القادم

نورتى الدورة

ام حمودى كتب:

انت اللى بتنورينا دائما بطلتك علينا

زهرة البستان كتب:
ام الكتكوت الحقيني انا فصلت سروال البيجاما لبنتي طبقت الدرس جيدا لكنه كبير جدا

ليه كبير

اكيد فى خطا

الكبير ممكن يتعالج

المهم اننا نعرف مكان الخطا فين و اسبابه

أم ذر كتب:

تطبيقي لدرس العباية

تطبيق جميل المهم انك اتصرفتى و عملتى الدرس

يعجبنى فيك حسن التصرف

و انت عملتى الفكرة اللى اريدها من الدرس هو العباءة البسيطة المنزلية بكم جابونيز

تسلم الايادى

اخلاص02 كتب:
توكلت على الله نورت [img][/img]
الرمز:

تسلمى

ام ادهم كتب:
تسلم ايديك العبايه حلوة أوووي وسهلة

تسلمى يسعدنى اعجابك

أمل الأمة كتب:
شكرا لك على هذا البرنامج الرائع وأجرك عل الله

اشكرك يا غالية

نورتى الموضوع

و تابعى ويانا فى الدروس القادمة

*

*

*

دمتوا بالف صحة و خير

ان شاء الله الدرس القادم تنورة بسيطة للمبتدات

الصور مش طالعه عندى خالص ليه